ကယားပြည်နယ်က ထူးခြားဆန်းကြယ်ပြီး အဖြေရှာမရတဲ့မေးခွန်းတွေနဲ့ပြည့်နေတဲ့ ကြတ်ဂူအကြောင်း သိတဲ့လူတွေလည်း သိကြပါလိ့မ်မယ်။
ဂူထဲမှာ ၁၂ ပေ၊ ၁၃ ပေ ရှည်ပြီးကျွန်းတစ်ပင်တည်းကနေထွင်းထားတဲ့ ခေါင်းတလားကြီးတွေရှိနေပြီး ဂူအဆုံးထိ သွားဖူးသူမရှိသေးတာကြောင့် ကြတ်သီးထစရာကောင်းလွန်းလှတဲ့ ဒီကြတ်ဂူကြီးဟာ ဒေသခံတွေရဲ့ ပါးစပ်ပြောရာဇဝင် တွေအရလည်း ထူးခြားဆန်းကြယ်မှုတွေနဲ့ပြည့်လို့နေပါတယ်။
အဲဒီလိုထူးခြားဆန်းကြယ်လှတဲ့ ကြတ်ဂူကြီးကိုအခြေခံပြီး ရိုက်ကူးထားပြီးအောင်တိုင်းကျော်ရုပ်ရှင်ထုတ်လုပ်ရေးက ထုတ်လုပ်တဲ့ ကြတ်ဂူဆိုတဲ့ရုပ်ရှင်ဇတ်ကားကြီးကို လာမယ့်သောကြာနေ့ နိုဝင်ဘာလ၊ ၁၆ ရက်နေ့ဆိုရင် ရုံတင်ပြသတော့မယ်လို့ သိရပါတယ်။
ဒါရိုက်တာလူမင်းတာဝန်ယူရိုက်ကူးပြီး လူမင်း၊မြင့်မြတ်၊ ကျော်ထက်အောင်၊ ထွန်းအိန္ဒြာဗိုလ်၊ အိန္ဒြာကျော်ဇင် တို့ပါဝင်သရုပ်ဆောင်ထားတဲ့ဒီရုပ်ရှင်ဇာတ်ကားကြီးဟာ ဇာတ်လမ်းအကြောင်းအရာအရရော၊ ရိုက်ကူးတင်ပြပုံတွေအရပါ တမူထူးခြားတဲ့ရုပ်ရှင်ဇာတ်ကားတစ်ကားဆိုတာ ထွက်ပေါ်လာတဲ့ဗွီဒီယိုဖိုင်တွေမှာတင်ပေါ်လွင်လို့နေပါတယ်။
သာမန် ချစ်ကြိုက်ကွဲညား ဆိုတဲ့ဇာတ်လမ်းမျိုးတွေကို စိတ်မဝင်စားဘဲ ထူးခြားမှုတွေ၊ သဘာဝလွန်ဖြစ်ရပ်တွေကိုမှ စိတ်ဝင်စားတတ်တဲ့ပရိသတ်တွေအကြိုက်တွေ့မယ့် ရုပ်ရှင်ကားတစ်ကားဖြစ်မှာအသေအချာပါပဲ။
သရုပ်ဆောင်ပိုင်းမှာလည်း နာမည်ကျော်ဝါရင့်သရုပ်ဆောင်တွေချည်းပဲဖြစ်တာကြောင့် ပီပြင်လှသလို ဇာတ်လမ်းကျောရိုးကလည်း စိတ်ဝင်စားစရာဖြစ်တာကြောင့် ဘာများဖြစ်မလဲဆိုပြီး ဇာတ်လမ်းအဆုံးထိဆွဲခေါ်သွားနိုင်မယ့် ရုပ်ရှင်ကားတစ်ကားဖြစ်လိမ့်မယ်လို့ ကြိုတင်ရင်ခုန်နေမိပါတယ်။
ကဲ...ဒါကြောင့် နိုဝင်ဘာ၊ ၁၆ ရက်၊ လာမယ့်သောကြာနေ့မှာ မြန်မာနိုင်ငံတဝမ်းကရုပ်ရှင်ရုံကြီးတွေမှာ ရုပ်ရှင်ရုံကြီးတွေမှာ ရုံတင်ပြသတဲ့အခါ ကြည့်ဖြစ်အောင်သွားကြည့်ကြဖို့ အကြံပြုတိုက်တွန်းလိုက်ရပါတယ်။