• ပရိသတ်တွေရဲ့ရုံပြည့်ရုံလျှံအားပေးမှုကြောင့် ဟီးဟီးဟားဟားရုပ်ရှင်ဇာတ်ကားကြီးကို ဒုတိယအပတ်ဆက်လက်ပြသ

တကယ်ရယ်ရလို့ အားပေးကြမ်းနေတာပါ။
image
 

မြင့်မြတ်နဲ့ရွှေမှုန်ရတီတို့အဓိကပါဝင်သရုပ်ဆောင်ထားတဲ့ ဟာသရုပ်ရှင်ဇာတ်ကားဟီးဟီးဟားဟား ကိုသြဂုတ်လ၊ ၃၁ ရက်နေ့ကစတင်ပြီး မြန်မာတစ်နိုင်ငံလုံးက ရုပ်ရှင်ရုံတွေမှာ ရုံတင်ပြသခဲ့ရာမှာ ပရိသတ်တွေရဲ့ရုံပြည့်ရုံလျှံအားပေးမှုတွေ ကြောင့် ဒုတိယအပတ်အဖြစ်ဆက်လက်ရုံတင်ပြသသွားမယ်လို့ သိရပါတယ်။

ပြီးခဲ့တဲ့တစ်ပတ်ရုံတင်ပြသရာမှာ မကြည့်ရသေးတဲ့ပရိသတ်တွေအနေနဲ့ ဒုတိယတစ်ပတ်ထပ်မံရုံတင်ပြသတဲ့အတွက် ဟီးဟီးဟားဟားရုပ်ရှင်ဇာတ်ကားကြီးကို လက်မလွှတ်တမ်းသွားရောက်ကြည့်ရှုခွင့်ရမှာပဲ ဖြစ်ပါတယ်။

ဇာတ်လမ်းနဲ့ဇာတ်ညွှန်း ရာဇဝင်ကို ကရေးသားပေးထားပြီး ဒါရိုက်တာ ပြည်ဟိန်းသီဟကတာဝန်ယူရိုက်ကူးထားတဲ့ ဟီးဟီးဟားဟားရုပ်ရှင်ဇာတ်ကားကြီးဟာ ဓါးပြဗိုလ်ကြီးက မင်းသမီးလေးကိုဖမ်းတဲ့ဇာတ်လမ်းမဟုတ်ဘဲ ဓါးပြဗိုလ်မလေးက မင်းသားကိုဖမ်းဆီးထားတဲ့ ဇာတ်လမ်းဖြစ်တာကြောင့် အမြင်တစ်မျိုးဆန်းပြီး တစ်ကားလုံး တဟီးဟီးတဟားဟားနဲ့ရယ်နေရမယ့် ရုပ်ရှင်ဇာတ်ကားကြီးပါပဲ။

 

ဓါးပြဗိုလ်မလေး ဘင်လာခင်အဖြစ် အခုတလော ဇာတ်ကားအသစ်တွေခပ်စိတ်စိတ်ရုံတင်နေရတဲ့ မင်းသမီးချောလေး ရွှေမှုန်ရတီကအပီပြင်ဆုံးသရုပ်ဆောင်ထားပြီး ဓါးပြဗိုလ်မလေးဖမ်းဆီးတာခံရမယ့်သူကတော့ ပရိသတ်တွေရဲ့ အချစ်တော် ဂျင်းကောင် (မြင့်မြတ်) ပါ။

ဒါ့အပြင် တက္ကသိုလ်ဂွမ်းပုံ၊ ညောင်ညောင်၊ငှက်ပျောကြော်၊ ဂွမ်းပုံကြီး၊ ကစ်ကစ်နဲ့ ပရိသတ်တွေအချစ်တော် ဟာသ သရုပ်ဆောင်တွေအများကြီးလည်းပါဝင်ပါသေးတယ်။

ဟာသကားလည်းကြည့်ချင်တယ်၊ ကြည့်ဖူးနေကျဇာတ်လမ်းတွေနဲ့မတူတဲ့ အသစ်အဆန်းလေးလည်းကြည့်ချင်နေတယ် ဆိုရင်တော့  မြင့်မြတ်နဲ့ရွှေမှုန်ရတီတို့ရဲ့ ဟီးဟီးဟားဟားရုပ်ရှင်ဇာတ်ကားကြီးကို လက်မလွတ်တမ်းသွားကြည့်ကြဖို့ အကြံပြုတိုက်တွန်းလိုက်ရပါတယ်။


ဆက်စပ်အကြောင်းအရာများ

Share

Duwun on Youtube
>
Loading Next Article...
က္က