သြဂုတ်လ၊ ၃၁ ရက်နေ့မှာရုံစတင်တဲ့ ဟီးဟီးဟားဟားရုပ်ရှင်ဇာတ်ကားကြီးဟာ ရုပ်ရှင်ပိုစတာတွေ၊ နမူနာဗွီဒီယို တွေအရ ဟာသရုုပ်ရှင်ဇာတ်ကားဆိုတာအားလုံးပဲ ခန့်မှန်းမိပြီးသား ဖြစ်မှာပါ။
ဒါပေမဲ့ အရင်တုန်းကကြားဖူးနေကျ ဓါးပြဗိုလ်ကြီးက မင်းသမီးလေးကိုဖမ်းတဲ့ဇာတ်လမ်းတွေကို ဟီးဟီးဟားဟား ရုပ်ရှင်မှာတော့ ပြောင်းပြန်လှန်ထားတာကို တွေ့ကြရမှာပါ။
ဘယ်လိုပြောင်းပြန်လှန်ထားသလဲဆိုတော့ ဓါးပြဗိုလ်ကြီးက မင်းသမီးလေးကိုဖမ်းတာမဟုတ်ဘဲ ဓါးပြဗိုလ်မလေးက မင်းသားရှိတဲ့ရွာကိုဝင်စီးပြီး မင်းသားကိုဖမ်းတဲ့ဇာတ်လမ်းကိုရှုစားကြရမှာပဲဖြစ်ပါတယ်။
ဒီလိုပုံမှန်ဇာတ်လမ်းတွေကို ပြောင်းပြန်လှန်ထားတဲ့ဇာတ်လမ်းကြောင့် ဖြစ်လာတဲ့အလွဲတွေနဲ့ဟာသတွေကလည်း ကြည့်ဖူးနေကျ တွေနဲ့လုံးဝကွဲပြားနေတာကိုတွေ့ကြရမှာပါ။
ဟာသဆိုတာကလည်း ခန၊ခနကြားဖူး၊ကြည့်ဖူးနေကျတွေထက် မကြည့်ဖူး၊မကြားဖူးသေးတဲ့အသစ်အဆန်းဆိုရင် ပိုရယ်ရတာသဘာဝမို့ ဟီးဟီးဟားဟားရုပ်ရှင်ဇာတ်ကားကြီးကိုကြည့်ရင်း ပါးစပ်မစေ့အောင်ရယ်နေကြရမှာပါ။
ဟီးဟီးဟားဟားရုပ်ရှင်ဇာတ်ကားကြီးကို ဇာတ်လမ်းနဲ့ဇာတ်ညွှန်း ရာဇဝင်ကို ကရေးသားပေးထားပြီး ဒါရိုက်တာ ပြည်ဟိန်းသီဟကတာဝန်ယူရိုက်ကူးထားပါတယ်။
ဓါးပြဗိုလ်မလေး ဘင်လာခင်အဖြစ် အခုတလော ဇာတ်ကားအသစ်တွေခပ်စိတ်စိတ်ရုံတင်နေရတဲ့ မင်းသမီးချောလေး ရွှေမှုန်ရတီကအပီပြင်ဆုံးသရုပ်ဆောင်ထားပြီး ဓါးပြဗိုလ်မလေးဖမ်းဆီးတာခံရမယ့်သူကတော့ ပရိသတ်တွေရဲ့ အချစ်တော် ဂျင်းကောင် (မြင့်မြတ်) ပါ။
ဒါ့အပြင် တက္ကသိုလ်ဂွမ်းပုံ၊ ညောင်ညောင်၊ငှက်ပျောကြော်၊ ဂွမ်းပုံကြီး၊ ကစ်ကစ်နဲ့ ပရိသတ်တွေအချစ်တော် ဟာသ သရုပ်ဆောင်တွေအများကြီးလည်းပါဝင်ပါသေးတယ်။
ဟာသကားလည်းကြည့်ချင်တယ်၊ ကြည့်ဖူးနေကျဇာတ်လမ်းတွေနဲ့မတူတဲ့ အသစ်အဆန်းလေးလည်းကြည့်ချင်နေတယ် ဆိုရင်တော့ မြင့်မြတ်နဲ့ရွှေမှုန်ရတီတို့ရဲ့ ဟီးဟီးဟားဟားရုပ်ရှင်ဇာတ်ကားကြီးကို လက်မလွတ်တမ်းသွားကြည့်ကြဖို့ အကြံပြုတိုက်တွန်းလိုက်ရပါတယ်။
Share