ဘာစီလိုနာတိုက်စစ်မှူး လီယွန်နယ်မက်ဆီဟာ အသင်းရဲ့ ကွင်းလယ်လူ အင်နီယေစတာ ဂျေလိဂ်ကို ပြောင်းရွှေ့သွားအပြီးမှာ ဘာစီလိုနာရဲ့ အသင်းခေါင်းဆောင်အဖြစ် ခန့်အပ်ခံခဲ့ရတယ်လို့ သိရပါတယ်။ အင်နီယေစတာဟာ ဘာစီလိုနာက ထွက်ခွာခဲ့ပြီး ဂျပန်ကလပ် ဗစ်ဆဲလ် ကိုဘေးအသင်းကို ပြောင်းရွှေ့သွားခဲ့တာ ဖြစ်ပါတယ်။
Photo : AS
ဘာစီလိုနာအသင်းရဲ့ အဓိကအကျဆုံး နဲ့ အရေးအပါဆုံး ကစားသမားအဖြစ် သတ်မှတ်ခံထားရတဲ့ မက်ဆီဟာ အသင်းနဲ့အတူ တစ်သက်တာစာချုပ် ချုပ်ဆိုထားသူလည်း ဖြစ်ပါတယ်။ ဘာစီလိုနာအတွက် စုစုပေါင်း ၆၆၉ပွဲ ကစားပေးထားပြီး ၅၆၃ဂိုးအထိ မက်ဆီက သွင်းယူပေးခဲ့ကာ အသင်းနဲ့အတူ ဆုဖလားမျိုးစုံကို ဆွတ်ခူးနိုင်ခဲ့ပြီး ဖြစ်ပါတယ်။
မန်ချက်စတာယူနိုက်တက် - လက်စတာ ပွဲစဉ်မှ ထူးခြားချက်များ
Photo : AS
အသက်အရွယ်ပိုင်းအရ ရင့်ကျင်လာသလို ခြေစွမ်းပိုင်းတည်ငြိမ်မှုလည်း ကောင်းမွန်နေသေးတဲ့ မက်ဆီကို ဘာစီလိုနာက အသင်းခေါင်းဆောင်အဖြစ် ခန့်အပ်ကာ ဂုဏ်ပြုလိုက်တာလည်း ဖြစ်ပါတယ်။ ဆာဂျီယိုဘက်ကွက်စ်၊ ဂျရတ်ပီကေး နဲ့ ဆာဂျီယိုရောဘတ်တိုတို့ကို မက်ဆီရဲ့နောက် အသင်းရဲ့ ခေါင်းဆောင်များအဖြစ် ဘာစီလိုနာက အစဉ်လိုက် သတ်မှတ်ခဲ့ပါတယ်။
Photo : AS
"၂၀၁၅ ခုနှစ်ကတည်းက အသင်းရဲ့ ဒုတိယအသင်းခေါင်းဆောင်အဖြစ် တာဝန်ယူခဲ့တဲ့ ကျွန်တော်တို့ရဲ့ နံပါတ် (၁၀)ဟာ လက်ရှိမှာ အသင်းရဲ့ ပထမအသင်းခေါင်းဆောင်ဖြစ်လာခဲ့ပြီး ပူယိုးလ်၊ ဇာဗီ နဲ့ အင်နီယေစတာတို့လို အသင်းကို အကောင်းဆုံး ဦးဆောင်ပေးတော့မှာ ဖြစ်ပါတယ်" လို့ ဘာစီလိုနာအသင်းက ထုတ်ပြန်ကြေငြာခဲ့ပါတယ်။
Photo : AS
ဘာစီလိုနာအသင်းကတော့ ပြီးခဲ့တဲ့ ဘောလုံးရာသီက ပြည်တွင်းဆုဖလား (၂)လုံး ရရှိခဲ့ပေမယ့် အဓိကပြိုင်ဘက် ရီးရဲလ်မက်ဒရစ်အသင်းက ဥရောပမှာ လွှမ်းမိုးထားနိုင်ခဲ့တာကြောင့် သူတို့ရဲ့အောင်မြင်မှုဟာ ငုပ်လျှိုးခဲ့ရပါတယ်။ မက်ဆီကလည်း ချန်ပီယံလိဂ်မှာ အောင်မြင်ဖို့ အလိုရှိနေပြီး ဒီနှစ်ဘောလုံးရာသီမှာ ဘာစီလိုနာအနေနဲ့ ချန်ပီယံလိဂ်ဖလားကို အဓိကပစ်မှတ်အဖြစ် ထားရှိနေတယ်လို့လည်း သိရပါတယ်။