• အေဂျက်ကြယ်ပွင့်ကစားသမားနဲ့ သဘောတူညီမှုရရှိခဲ့တဲ့ ဘာစီလိုနာအသင်း

မက်ဆီရဲ့ပရိသတ်လို့ ပြောကြားထားသူပါ။

စပိန်လာလီဂါထိပ်သီးအသင်းကြီးဖြစ်တဲ့ ဘာစီလိုနာအသင်းဟာ မက်ဆီရဲ့အမာခံပရိသတ်တစ်ဦးဖြစ်တဲ့ အေဂျက်အသင်း ကွင်းလယ်ကြယ်ပွင့် ကစားသမားကို ခေါ်ယူဖို့ သဘောတူညီမှု ရရှိခဲ့ပြီလို့ သိရပါတယ်။ Sport ရဲ့ရေးသားချက်အရ ဘာစီလိုနာအသင်းဟာ ဖရန်ကီဒီဂျောင်ကို ရောင်းချဖို့ အေဂျက်အသင်းရဲ့သဘောတူညီမှုကို ရရှိခဲ့တယ်လို့ သိရပါတယ်။

default (5).jpg

Photos: soccerladuma

အသက် ၂၁ နှစ်အရွယ်ရှိပြီဖြစ်တဲ့ ဖရန်ကီဒီဂျောင်ဟာ အေဂျက်အသင်း ဥရောပချန်ပီယံလိဂ်ပြိုင်ပွဲကို ဝင်ခွင့်မရခဲ့ရင် ယခုလမှာ ဘာစီလိုနာအသင်းကို ပြောင်းရွှေ့မယ်လို့ ယုံကြည်ရပါတယ်။ တကယ်လို့ အေဂျက်အသင်း ချန်ပီယံလိဂ်ဝင်ခွင့်ရခဲ့မယ်ဆိုရင်တော့ နောက်ရာသီမှ ဘာစီလိုနာအသင်းကို ပြောင်းရွှေ့မှာဖြစ်ပါတယ်။

အာရှပရိသတ်တွေ အိပ်ရေးပျက်ရဦးမယ့် မန်ယူ-လက်စတာ ပရီးမီးယားလိဂ်အဖွင့်ပွဲစဉ် 

ဖရန်ကီဒီဂျောင်ဟာ ဘာစီလိုနာအသင်းရဲ့တသက်တာဂိုးသွင်းစံချိန်ရှင် လီယွန်နယ်မက်ဆီကို ကလေးဘဝကတည်းက အားပေးခဲ့တဲ့ပရိသတ်တစ်ဦးဖြစ်ပြီး ဘာစီလိုနာအသင်းကို ပြောင်းရွှေ့တာဟာ ၎င်းရဲ့ကစားသမားဘဝအတွက် ကြီးမားတဲ့ခြေလှမ်းတစ်လှမ်းကို အစပြုလိုက်တာလို့ ခံစားရကြောင်း ပြောကြားခဲ့ပါတယ်။

image

Photos: Dutchnews

 

ဘာစီလိုနာအသင်းမှာ တစ်ချိန်တုန်းက ကစားခဲ့ဖူးတဲ့ အေဂျက်အသင်းရဲ့အားကစားဒါရိုက်တာ မာ့အိုဗားမားစ်က အသင်း ၂ သင်းကြား ဆွေးနွေးညှိနှိုင်းမှုမှာ ကြားဝင်မီးစိမ်းပြပေးခဲ့တယ်လို့ ယုံကြည်ရပါတယ်။ လူငယ်ကွင်းလယ်ကြယ်ပွင့်ကစားသမားဖြစ်တဲ့ ဖရန်ကီဒီဂျောင်ဟာ အေဂျက်အသင်းနဲ့ ၂၀၂၂ ခုနှစ်အထိ စာချုပ်သက်တမ်း ကျန်ရှိနေသေးသူဖြစ်ပြီး အေဂျက်အသင်းအနေနဲ့ ချန်ပီယံလိဂ်ဝင်ခွင့်ရခဲ့မယ်ဆိုရင် ၎င်းကို အသင်းမှာ ဆက်နေစေလိုတဲ့ဆန္ဒကို ဂုဏ်ယူနေတယ်လို့ သိရပါတယ်။

အေဂျက်အသင်းဟာ ချန်ပီယံလိဂ်ဝင်ခွင့်အတွက် တတိယအဆင့် Play-offs ပွဲစဉ် ပထမအကျော့အဖြစ် စတန်းဒက်လေ့ဂျ်အသင်းနဲ့ ယှဉ်ပြိုင်ကစားခဲ့တဲ့ပွဲစဉ်မှာ တစ်ဖက် ၂ ဂိုးစီ သရေကျခဲ့ပြီး လာမယ့်အင်္ဂါနေ့မှာ ဒုတိယအကျော့ ယှဉ်ပြိုင်ကစားသွားရမှာဖြစ်ပါတယ်။ ဖရန်ကီဒီဂျောင်ဟာ အေဂျက်အသင်းရဲ့ချန်ပီယံလိဂ်ဝင်ခွင့် ၃ ပွဲစလုံးမှာ ပါဝင်ကစားပေးခဲ့ပြီး လာမယ့်အပတ်ပွဲစဉ်မှာလည်း အဓိကကျတဲ့ အခန်းကဏ္ဍကနေ ပါဝင်ကစားပေးမယ်ဆိုတာ သံသယဖြစ်ဖွယ်မရှိပါဘူး။


ဆက်စပ်အကြောင်းအရာများ

Share

Loading Next Article...
က္က