• ဗုဒ္ဓဟူးနေ့ နံနက်ပိုင်းအတွက် နောက်ဆုံးရ အားကစားသတင်းတိုများ

ပေါ့ဂ်ဘာက တောင်းဆိုခဲ့တယ်လို့ သိရပါတယ်။

ဗုဒ္ဓဟူးနေ့ နံနက်ပိုင်းအတွက် နောက်ဆုံးရ အပြောင်းအရွှေ့သတင်းများကို စုစည်းဖော်ပြပေးထားတာ ဖြစ်ပါတယ်။

 

- Daily Mail ရဲ့ ဖော်ပြချက်အရ မန်ယူကွင်းလယ်လူ ပေါ့ဂ်ဘာဟာ အသင်းဖော်များနဲ့ CEO အိဒ်ဝုဝက်ဒ်တို့ကို ဘာစီလိုနာကို ပြောင်းရွှေ့ချင်တဲ့အကြောင်း ပြောဆိုခဲ့တယ်လို့ သိရပါတယ်။ အသက် (၂၅)နှစ်အရွယ် ကွင်းလယ်လူဟာ ဘာစီလိုနာအသင်းနဲ့ (၅)နှစ် စာချုပ်ချုပ်ဆိုဖို့အတွက် သဘောတူညီမှု ရရှိခဲ့ပြီလို့ သတင်းတချို့က ဖော်ပြမှုတွေလည်း ရှိခဲ့ပါတယ်။ ယူနိုက်တက်ကတော့ ပေါ့ဂ်ဘာကို အသင်းမှ ဆက်လက်ထိန်းသိမ်းဖို့ အစွမ်းကုန်ကြိုးစားနေတယ်လို့ သိရပါတယ်။

image

Photo : The Boot Room

 

- ချယ်လ်ဆီးနောက်ခံလူ ဇူးမားကို အငှားခေါ်ယူဖို့အတွက် အဲဗာတန်အသင်းက ကြိုးစားနေတယ်လို့ Mirror က ဖော်ပြခဲ့ပါတယ်။ အပြောင်းအရွှေ့ဈေးကွက်ပိတ်သိမ်းခါနီးနေပေမယ့် အဲဗာတန်ကတော့ ဇူးမားကို အရခေါ်ယူနိုင်မယ်လို့ မျှော်လင့်နေတာ ဖြစ်ပါတယ်။ မန်ယူနောက်ခံလူ ရိုဟို နဲ့ ဘာစီလိုနာနောက်ခံလူ မီနာတို့ကို ခေါ်ယူဖို့ အဲဗာတန်က ကြိုးစားခဲ့ပေမယ့် မခေါ်ယူနိုင်သေးဘဲ ဇူးမားကို ထပ်မံစိတ်ဝင်စားလာတာ ဖြစ်ပါတယ်။

Photo : Goal.com

 

- စီးရီးအေကလပ် အေစီမီလန်အသင်းဟာ ချယ်လ်ဆီးကွင်းလယ်လူ ဘာကာယိုကိုကို အငှားခေါ်ယူဖို့ ဆွေးနွေးမှုတွေ ပြုလုပ်နေတယ်လို့ သိရပါတယ်။ Sky Italia ရဲ့ဖော်ပြချက်အရ မိုနာကိုအသင်းကနေ ပြီးခဲ့တဲ့ ဘောလုံးရာသီက ပြောင်းရွှေ့ခဲ့တဲ့ ဘာကာယိုကိုဟာ ချယ်လ်ဆီးအသင်းမှာ ပုံမှန်ကစားခွင့် ရရှိဖို့ ခက်ခဲနေတယ်လို့ သိရပါတယ်။ အေစီမီလန်က ဘာကာယိုကိုကို အငှားခေါ်ယူပြီးပါက အပြီးသတ်ခေါ်ယူမှု ပြုလုပ်ဖို့ပါ ကြိုးစားနေတာ ဖြစ်ပါတယ်။

Photo : Sky Sports

 

- ချယ်လ်ဆီးဂိုးသမား ကော်တွိုက်စ်ကို ရရှိဖို့အတွက် ရီးရဲလ်မက်ဒရစ်အသင်းဟာ အသင်းကွင်းလယ်လူ ကိုဗာဆစ်ကို ချယ်လ်ဆီးအသင်းထံ အငှားပြောင်းရွှေ့ခွင့်ပေးမယ်လို့ ကမ်းလှမ်းခဲ့ကြောင်း သိရပါတယ်။ Sky Sports ရဲ့ ဖော်ပြချက်အရ ရီးရဲလ်ဘက်က ကမ်းလှမ်းခဲ့တာ  ဖြစ်ပြီး တချို့သတင်းများအရ ကိုဗာဆစ်ဟာ ချယ်လ်ဆီးကို ပြောင်းရွှေ့ဖို့ သဘောတူညီမှုတောင် ရရှိသွားခဲ့ပြီလို့ သိရပါတယ်။

Photo : Sky Sports

 

- တော့တင်ဟမ်ဟော့စပါးအသင်းဟာ အက်စတန်ဗီလာအသင်းရဲ့ ကွင်းလယ်လူ ဂရီလစ်ချ်ကို ပေါင် ၂၅သန်းနဲ့ ကမ်းလှမ်းမှု ပြုလုပ်လိုက်ပြီ ဖြစ်ပါတယ်။ ချန်ပီယံရှစ်ကလပ်အသင်းအတွက် အကောင်းဆုံးခြေစွမ်းပြနေတဲ့ ဂရီလစ်ချ်ကို ပရီးမီးယားလိဂ်အသင်း အများအပြားက စိတ်ဝင်စားနေပြီး စပါးအသင်းက လက်ဦးမှု ရရှိအောင် ကြိုးစားနေတာ ဖြစ်ပါတယ်။


ဆက်စပ်အကြောင်းအရာများ

Share

Loading Next Article...
က္က