မနေ့ညက ကစားခဲ့တဲ့ စပိန်နဲ့ စကော့တလန်တို့ရဲ့ ယူရို - ၂၀၂၄ ခြေစစ်ပွဲမှာ စပိန်က နောက်ကျသွင်းဂိုးနှစ်ဂိုးနဲ့အတူ အနိုင်ရရှိခဲ့ပါတယ်။ ဒီပွဲရလဒ်ကြောင့် စကော့တလန်တို့ ခြေစစ်ပွဲအောင်မြင်ဖို့ ဆက်လက်စောင့်ဆိုင်းရတော့မှာပါ။
တွမ်မီနေးရဲ့ ကန်ချက်က ကောင်းမွန်လှပခဲ့ပေမယ့် ဒီလိုမျိုး တွမ်မီနေးရဲ့ ဖရီးကစ် ဂိုးဝင်သွားချိန်မှာ စကော့တလန်နောက်ခံလူ ရော်ဘတ်ဆင်က စပိန်ဂိုးသမား အူနိုင်းဆိုင်မွန်ရဲ့ မြင်ကွင်းကို လူကျွံအနေအထားကနေ အနှောင့်အယှက်ပေးခဲ့တယ်ဆိုပြီး VAR က ဒီသွင်းဂိုးကို ပယ်ဖျက်ခဲ့တာပါ။
ဒီသွင်းဂိုးမရရှိခဲ့တဲ့အတွက် တွမ်မီနေးကိုယ်တိုင်ကပါ အံ့အားသင့်ကာ ဒေါသပေါက်ကွဲခဲ့ရပြီး သောက်လက်စ ရေဘူးကိုပါ ဒေါသတကြီးနဲ့ လွှင့်ပစ်ခဲ့ပါတယ်။ ဒီသွင်းဂိုးဟာ စကော့တလန်အတွက် ဦးဆောင်ဂိုးဖြစ်နိုင်ခဲ့ပေမယ့် ဂိုးမရခဲ့တာကြောင့် အကြီးအကျယ် နစ်နာခဲ့ရပြီး အဲ့ဒီနောက်မှာတော့ စပိန်က မိုရာတာ၊ ဆန်ဆက်တို့ရဲ့ သွင်းဂိုးတွေရရှိကာ နှစ်ဂိုးပြတ်နဲ့ အနိုင်ရရှိခဲ့ပါတယ်။
လက်ရှိမှာ စကော့တလန်က ရမှတ် (၁၅) မှတ်နဲ့အတူ ခြေစစ်ပွဲအုပ်စုအဆင့်ကို ဦးဆောင်ထားဆဲဖြစ်ပါတယ်။ လာမယ့်ပွဲမှာ ကစားမယ့် စပိန်နဲ့ နော်ဝေတို့ရဲ့ပွဲမှာသာ စပိန်တို့ နိုင်ပွဲရခဲ့မယ်ဆိုရင် စကော့တလန်တို့ အလိုအလျောက် ခြေစစ်ပွဲအောင်မြင်သွားမှာဖြစ်ပါတယ်။