ဒီကနေ့မတ်လ (၄)ရက်နေ့ နေ့လယ် (၂)နာရီကျော်လောက်က ဟဲဟိုးလေဆိပ်မီးလောင်မှုဖြစ်ပွားခဲ့ပါတယ်။
လေဆိပ်အတွင်း မြက်ခင်းခြောက်လောင်ကျွမ်းခဲ့တာဖြစ်ပြီး ဆေးလိပ်မီးကနေ စတင်လောင်ကျွမ်းခဲ့တာဖြစ်တယ်လို့သိရပါတယ်။ မီးလောင်မှုကိုတော့ အချိန် (၃)နာရီကြာငြိမ်းသတ်ခဲ့ရပြီး တခြားအဆောက်အဦးတွေ ကူးစက်လောင်ကျွမ်းခဲ့တာမရှိဘူးလို့သိရပါတယ်။
“ မြက်ခင်းခြောက်လောင်တာပါ။ မြက်ခင်းပေါ်ဆေးလိပ်မီးပစ်မိရာကနေ လောင်တယ်လို့ ယူဆတယ်ပေါ့နော်။တခြားကူးစက်လောင်ကျွမ်းတဲ့ အဆောက်အဦးတွေတော့မရှိပါဘူး” လို့ မီးလောင်ပြင်အတွင်း မီးငြိမ်းသတ်ခဲ့တဲ့ဟဲဟိုးမီးသတ်မှ မီးသတ်တပ်ဖွဲ့ဝင်တစ်ဦးကပြောပါတယ်။
အဆိုပါ မီးလောင်မှုကိုတော့ မီးသတ်ကား (၆)စီး မီးသတ်တပ်ဖွဲ့ဝင် (၃၀)နီးပါးလောက်နဲ့ မီးငြိမ်းသတ်ခဲ့ရပါတယ်။
နေ့လယ် (၂)နာရီကျော်က စဆင်လောင်ကျွမ်းခဲ့တဲ့ မီးလောင်မှုကိုတော့ အချိန် (၃)နာရီကျော်ကြာငြိမ်းသတ်ခဲ့ရပြီးညနေ (၅)နာရီထိုးလောက်မှာ မီးငြိမ်းခဲ့ပါတယ်။ ဖြစ်စဉ်အတွင်း မီးသတ်တပ်ဖွဲ့ဝင်တစ်ဦး ခြေထောက်ပွန်းပဲ့ဒဏ်ရာရရှိခဲ့ပြီး ဒဏ်ရာက မစိုးရိမ်ရဘူးလို့ သိရပါတယ်။